Memoria histórica

Oroimen Historikoaren Legeari esker, herritarrek errazago eskuratu dezakete artxibo, erregistro edo funts dokumental publikoetan haiei edo familiakoei buruz dagoen informazioa. Legearen bidez, Gerra Zibilari, erbestaldiari eta diktadurari buruzko informazio historikoa eta agirietako informazioa bildu eta zabaltzea eskatzen da.

Hilobiak eta biktimak kokatzeko mapa integratua, etengabe eguneratuko dena. Espainiako Gobernuak egin du, hainbat administrazio publikorekin eta oroimen historikoa berreskuratzeko elkarteekin lankidetzan.

Gerra Zibilaren eta Diktaduraren biktimentzako prestazioak eta pentsioak zabaldu dira. Gerran hildakoen edo mutilatuen familiakoak, arrazoi politikoengatik espetxean egon ziren pertsonen familiakoak edo 1968tik 1977ra demokrazia defendatuz hil zirenen familiakoak onuradun batzuk dira.

2006tik, Gobernuak oroimen historikoa berreskuratzeari eta Gerra Zibileko eta frankismoko biktimen aitorpen moralari lotutako jarduerak diruz laguntzen ditu.

950 pertsonak baino gehiagok ordain eta aitorpen pertsonalaren adierazpena jaso dute. Kalte-ordainaren izaera duen titulua da, Gerra Zibilean eta diktaduran arrazoi politikoengatik, ideologikoengatik edo erlijio-sinesmenengatik jazarri eta kondenatu zituztenentzat.

Altxamendu militarrari, Gerra Zibilari eta Diktadurari aipamen egiten dieten armarriak, ikurrak, plakak eta bestelako objektuak kentzen ari dira. Salbuespen bakarrak: arrazoi artistiko, arkitektoniko edo artistiko-erlijiosoengatik legez babestutako sinboloak.

52/2007 Legea dela bide, Nazioarteko Brigadetako kide boluntarioek espainiar naziotasuna eskuratu dezakete haien naziotasunari uko egin gabe. Era berean, espainiar izateko aukera ematen zaie jatorriz espainiar izandakoen lehen gradura arteko ondorengoei. Modu horretan, arauaren bidez, erbestaldiko eta emigrazioko asmo legitimoari erantzuten zaio.